انصحك دلوقتي على الجنه دور .. تهيسه رمضانيه !!
رمضان شهر الإحسان وبس
إبعد طبعا عن أي هلس
ولما المدقع يضرب كل
قطايف و قول تمام و فل
و أوعه تبص خالص على الحريم
ما خلاص بأه رمضان كريم
ومهما يا حبي كنت بتعمل
ده شهر جامد قرب كمل
ومهما تبعد خليك معايا
اليومين دوله وقت الحمايه
وخليك فاكر إنك تصوم
ما تشربش ميه ما تكلش لحوم
ولو زهقت من كلامي ومني
وبقالك مية سنه مش بتصلي
بس الحكايه أبسط بكتير
من صوم وذكر وقيام طويل
ده أيام تقوى وشغل حلال
ولو مش مصدقني ممكن تسأل
والقرآن محطوط على الرف
عليه تراب و هباب وقرف
طب ليه إنت مش عاوز تعرف
إنه الي جواه ده .. لقلبك شرف
حكم .. قصص .. أسلوب حياه
شوق .. حب .. لرب السما
هتقولي بصراحه أنا ممكن أجرب
ما تخفش يا إبني قوم وقرب
والكلام ده أوعى يتسرب
ده بيني وبينك لحد ما نهرب
لو كنت بتصوم عن الحلال
إزاي بس تفطر على الحرام
سجاير بتفجر ما قلناش لأ
بس النهارده ده وقت الجد
صدقني ملهاش سبب في حياتك
لو مش مصدقني طب يوم مماتك
هتقول إيه ؟؟
أدام ربنا .. ده رب كبير
ومهما تحاول مش هطير
مش هتعرف تكدب وتحور
انصحك دلوقتي على الجنه دور ..
شوقي !! | 
