الساعه 3.5
الساعه 3.30
أنا بجد مدايق جداً
وحاسس إني شايل في قلبي ذنب كبير
ومش عارف ألاقي حد يغفره
إحساس غريب وكافر
مجرد إحساس
والوقت بطيء جداً
أو أسرع من dsl بتاعي
و أكن الساعه من بطئها .. ساعه وخمس دقايق
مع إني محتاج مع كل ساعه ألف ساعه
عشان أعرف اعمل حاجه
في أم الدنيا الخربانه ده
وبين عمري عمر تاني .. عشان أحس إني فيها أصلاً
الدنيا !!
ووقت لما بكون خلاص عايز أضرب كل الناس الي قدامي
بكرههم !!
مش قادر ..
إديا وجعاني .. لإني كنت في الجيم النهارده
أو بيبقى صعب إنك ترفع إيدك على واحد ميستهلش تبصله أصلا
وبعدين ؟؟
ولا قابلين لإني هنام دلوقتي
" انا مسامح "
بفكر فيها . وهي ده الكلمه الي مطبوعه فعلا على لساني
انا مسامح .. والله مسامح
المشكله إنهم مش مصدقين
لدرجة إنهم عارفين
وفاكرين ..
كل همسه كل لمسه كل كلمه من كلامهم
مستغربين
إزاي أسامح ؟؟
مستني لما انام احلم حلم جميل
او شوف شيء جميل
مشفتهوش في حياتي
أشوف كل احزاني بتتحذف
في سلة المهملات بتاعة الكمبيوتر
وكل الناس السيئه بتموت ادام عنيه
و إمي دلوقتي دخلت عليه .. بتقولي عامل إيه .. إزيك وبطبط عليه
أمي طيبه .. يمكن عشان بتحبني
و انا طبعا على طول بقول كويس .. ومفيش حاجه
و أنا قلبي مليان هموم تهدم كل القصور الجميله
بس قلبي عامله سجن ليها
خلي بالك لا تطلع
لو طلعت هتكلك
كنت بحسب إني عمري ما هخسر حد
بطرقتي الحلوه .. وإبتسامتي الصادقه
بس اتاري إني خسرت نفسي في أول الطريق
عشان مخسرش حد
سعات بحس إني غلط لما بأعد و أستحمل كل كلمه تتقلي
و ألاقي ناس بتغضب .. وتشخط .. وتنطر .. ومش بترضا باي كلمه حد يقلهالها
وعايشين في حال احسن مني
ودلوقتي الساعه 45 . 3
ولازم أنام عشان أعرف اقوم أصلي الفجر .. ده لو قمت أصلا
شوقي!!
شخابيط قبل النوم .. 
| 
